بە ڕاپۆرتی ئاژانسی هەواڵی مێهر لە ئەلمەعلوومە، سەرچاوەیەکی ئەمنیەتی عێراق شەوی سێشەممە ڕایگەیاند: کاروانێکی لۆجستیکی سەر بە سوپای ئەمریکا لە ڕێگای سنوورەکانی سووریاوە خۆی گەیاندووەتە هەرێمی کوردستان.
ئەو سەرچاوە ئەمنیەتییە ڕایگەیاند: ئەو کاروانە لۆجستیکە لە ناوچەکانی باکووری ڕۆژهەڵاتی سووریا و بەتایبەتی لە ناوچەی ژێر کۆنترۆڵی هێزەکانی هەسەدەوە کەوتوونەتە ڕێ و بە پەڕینەوە لە دەروازەی سنووری سێمالکا چوونەتە پارێزگای دهۆک لە هەرێمی کوردستان.
ئەو سەرچاوە ڕایگەیاندووە: ئەو کاروانە لۆجستیکە بریتی لە 20 ئۆتۆمبیلی زرێپۆش و هامر، چەندین ئۆتۆمبیلی قورسی جیهازاتی سەربازی و مادەی خۆراکی بووە. هاوکات لەگەڵ کەوتنەڕێی ئەو کاروانە کۆپتەر و فڕۆکە بێ فڕۆکەوانەکانی سوپای ئەمریکا بە شێوەی بەربڵاو لە ئاسمانەوە ئاسایشی کاروانەکەیان دابین کردووە.
Your Comment